کراچی،3اگست(ایس اونیوز/آئی این ایس انڈیا): پاکستان کرکٹ ٹیم کے سینئر بلے باز عمر اکمل کو سری لنکا کے خلاف آئندہ سیریز کے لئے منتخب کردہ ممکنہ کھلاڑیوں میں جگہ نہیں ملی ہے۔قابل اعتماد ذرائع کے مطابق محمد حفیظ اور احمد شہزاد کو بھی ٹیسٹ سیریز کیلئے منتخب نہیں کریں گے۔ذرائع نے کہا کہ سلیکٹر، کوچ مکی آرتھر اور پی سی بی کرکٹ ڈائریکٹر ہارون رشید نے حال ہی میں میٹنگ کے بعد کھلاڑیوں کو منتخب کیا جنہیں ٹریننگ کیمپ کے لیے بلایا گیا ہے۔عمر کو پہلے چیمپئنز ٹرافی کے لیے ٹیم میں رکھا گیا تھا لیکن فٹنس ٹیسٹ میں ناکام رہنے کے بعد واپس بھیج دیا گیا تھا۔غور طلب ہے کہ عمر کو پاکستان کے باصلاحیت بلے بازوں میں شمار کیا جاتا ہے لیکن کرکٹ مہارت سے کہیں زیادہ وہ تنازعات اور فٹنس سے متعلق معاملات کو لے کر بحث میں رہتے ہیں۔اس کی وجہ سے انہیں اپنے ملک میں ہی لوگوں کی تنقید کا شکار ہونا پڑتا ہے۔
پاکستان کے گھریلو کرکٹ ٹورنامنٹ قائد اعظم کے دوران اپنی ٹی شرٹ پر صحیح لوگو نہ پہننے کی وجہ سے عمر اکمل پر گزشتہ سال ایک میچ بیٹن لگا تھا۔پاکستان کرکٹ بورڈ کے ذرائع کے مطابق، اس پورے ٹورنامنٹ میں کھلاڑیوں کو اپنی ٹی شرٹ پر کون سا لوگو پہننا ہے، اس بارے میں پہلے ہی ہدایات دی گئی تھی۔عمر نے ایک نہیں، بلکہ دو دو بار ان ہدایات کے خلاف ورزی کی۔پہلی دو بار انہیں صرف انتباہ دے کر چھوڑ دیا گیا، لیکن جب انہوں نے فائنل مقابلے میں بھی وہی غلطی دہرائی تو پاکستان کرکٹ بورڈ نے ان پر ایک میچ بیٹن لگا دیا۔
ان کی اس حرکت کو پی سی بی نے لیویل1کا گناہ گار مانا تھا۔سال 2015کے نومبر میں غیر اخلاقی سرگرمیوں میں ملوث ہونے کے سبب عمر اکمل کو انگلینڈ میں ہونے والے ٹی 20مقابلوں کے لئے بھی نہیں منتخب کیا گیا تھا،اگرچہ بعد میں انہیں اس معاملے میں بری کر دیا گیا تھا۔